حبيبتي

قلبي نفسه يضيئلك شمعه

تنور سماكي ونجومها اللامعه

كلامي كتير وياريتك تبقي سامعه

بقيت مجنون بيكي وحياتي بقت ضايعه

من غيرك انا مش عايش وروحي ما بقتش عايشه

ومشاعري واحاسيسي واحلامي بقت هايشه

وياريت تحسي بالشعور اللي جوايا

بجد يا حبيبتي ده كل منايا

وابقي معاكي وتبقي معايا

ده انتي فريده بين الصبايا

وبتمني عنيا تبقي في عنيكي

وكمان ايدي تبقي في ايديكي

واي حمل اشيله من عليكي

ووقت الخطر اجي احميكي

وفي وحدتك اجي اسليكي

ووقت الفرح اجي اهنيكي

وفي وقت الحزن اجي واوسيكي

ده انا بعشقك وبموت فيكي

ربنا يسعدك ويخليكي

ازمه التعليم

الشباب خلاص زهقت من التعليم مستواه قل وبقي قديم .مدارس وجامعات اشكال علي الفاضي  واساتذه ودكاتره 

 بقت  اسماء من الماضي ولو كلامي غلط يبقي يحكم القاضي .والطلبه خلاص بقت بتشرب سجاير ومخدرات ولا حد فيهم بقي بيحضر محاضرات.

 واوقاتهم بقت ضايعه وحياتهم بقت خالعه .ودلوقتي التعليم بقي دروس خصوصيه فين السكاشن والدورات العلميه

 التعليم في الاصل ذو شأن رفيع لكن دلوقتي الوضع بقي مريع.والدكاتره والاساتذه بقت بتلف وبتدور وشغالين نصب علي اولياء الامور.

التعليم دلوقتي بقي كله مصالح واللي بيدفع بقي هو الفالح والمجموع ما بقاش نافع والفلوس بقت هي الدافع 

واللي بيتخرج وبياخد شهاده بياخدها من غير استفاده وبيضطر يشتغل اي شغلانه احسن ما يقعد والحاله تعبانه

 ياريت بقي تشوفوا حال الشباب اللي اتدهور وبقي هباب

تحياتي لكل الفشله 

شباب مصر الحر

كله واقف ضدنا واي حاجه تحصل يوجههو السلاح في وشنا ويقولو اي كلام عننا

يقولو فينك يا حسني يا حبيبنا بعدك عننا تاعبنا وشباب الثوره قارفنا

نسيتو الشهداء يا كلاب الفلوس الي خلو ليكو كرامه وعزه في النفوس وكرامتكو الي رايح والي جاي عليها كان بيدوس

عبيد المال وعاشق للاحتيال وبتقول ايه يعني دول شويه عيال

عيال ضحو بحياتهم عشان الاجيال وعشان ينصلح كمان الحال

عيال حطط حياتها علي كف عفريت وانطلقو كلهم زي شعله الكبريت

بحماسهم اشعلو ثوره التطهير من الفساد والظلم والاستعباد وشعارهم كان التغيير

متحولين زي الحيه وبتتلودو حسب الالوان مره اسود ومره ابيض ومش ثابتين ابدا في مكان

وفي الاعلام  كان بيتقال كلام افلام بس خلاصه الكلام شباب الثوره هما شباب الاحلام 

الي شرفو صوره مصر ورجعوها زي زمان وخلو العالم كله  يقول شعب فنان

ان الاوان مصر ترجع لدور الرياده بعد ما شبابها رجعولها السياده وتبقي هي الحكم والقياده

تعظيم سلام وتحيه عسكريه لكل شهداء الحريه وجيشنا المصري برجاله الوفيه

من شاب مصري بسيط بيعشق بلاده بجنون ومستعد يفديها بعمره مهما يكون

تحياتي

احساس جديد

احساس جديد حسيته معاكي 

لما قلبي كان ويـــــــــاكي

قبليكي كنت عايش وحداني

وعايش في الدنيا بأحزاني 

كلامك ليا حسسني بمعاني

لا توصفه اشعار ولا اغاني

صدقيني الشوق والهوا ملوني

وما بقتش قادر اداري عيوني

كلمه بحبك لما جيتي وقلتيها

ما تعرفيش ايه حصلي بعديها

وقلبي من كتر الاحساس ادركت كل الحواس

انك يا حبيبتي من اغلي الناس

_ بس غصب عني بخاف_

وصدقيني قلبي وشوقي بيسهروني

وعقلي وبالي بيفكروني

بانك الوحيده اللي في عيوني

وياريت يا حبيبتي تعتبري ده عربوني

لاني لو مكنتش قلت الكلام ده كان قلبي وعقلي فارقوني

وحق الدنيا تقولك انك من اغلي كنوزي

ثوره شعب

ثوره ينــــاير

بيقولو يا مصــــر 30 سنه عشناها في امان

وجوا بيوتنـــــــــا كنا زي الفــــــــــــــئران

بنتسحـــب وبنزحـــــف وطالـــــع عنينا كمان

والي كان يتكلم يتسمك ويوروه الويل والطغيان

ويسئلو ليه ده اتمسك

اصله كان بيقول رأيه بس بعد فرعون مفيش رائيان

.....................................................

يامصـــــر 30 سنه عيشاها في ظـــــــلام

والكل كان صامت ومفيش اي كـــــــــــلام

صغرو مقامك اوي ومخلوش ليكي احــــــترام

وعدوكي كتيررررررر اوي بالرخاء والسلام

وطلعو بيضحكو عليكي وعيشوكي في احـــلام

بقي يرضــــيكي مش ده يبـــقي حـــــــرام

....................................................

يا مصـــــــــــر فوقي بقي دي 30 سنه فساد

ظلـــــم وجهـــــل وفقـــــــــر وعنـــــــــــاد

تــــعذيب وقتــــل وخنوع وترهـــيب للعباد

وكمــــان سجن ونفي وتهـــــجير وبعـــــاد

وكل ما بتقولي هايقل بنلاقيه كتر وزاد

...................................................

بس خلاص يا مصر جاتلك الفرصه تخلصي من الغم

وتنهي ســـــنين الحســــــره والــــمرار والـــهم

وتنسي ايامك الي اتعذبتي فيها ونذفتي فيها الدم

ثـــــــــوره ثــــــــــوره يا بلدي يا مصــــــــــــــــــر

ثــــــــــــوره ثــــــــــــوره يا المــــوت يا النصـــــــر

شوفي شبابك قام واتكلم بعد ما اتهمش سنين اتألم

كســــــــــرو في نفــــــوسهم حـــــــاجز الخــــوف

وقــــــــــــالو للعـــــــــــالم بــــص وشـــــــــــوف

وقام الشعب ارحــــــــل ارحــــــل بصــــوت واحد

كــــــــــــفايه 30 سنـــــــــه ولســــه قـــــــــاعد

وكنا مصرريين مسلمين مسيحين وعملنا ملحمه وطنيه

المســــــلم مع المسيحـــــــي ومكنش فيه فتنــــه طائفيه

ولقينا جيشنا نازل وادنالو تعظيم سلام وتحيه عسكريه

وحمانا جيشنا الباسل من فلول النظـــــــــام الفاشــــل

......................................................................

يا مصـــــــــــــــــــــر

جاتلك ثوره يناير وباعته معاها البشاير بعصر كله حريه

عصر هيتعالي فيها الكرامه والشرف وحقوق الانسانيه

ويبقي فيها روح محبه واخوه وعداله اجتماعيه

ونتقدم ببلدنا ونخليها احلي بلد في الدنـــيا ديا

فلسطين

فلسطين في القلب   

فلسطين فلسطين الارض العربيه الاوضاع فيها مزريه واسرائيل المفتريه بتقتل الملايين

 من شباب كبار وحتي عيال صغار والعرب ساكتين ولا في ايديهم اي قرار.واسرائيل كل يوم في مفاوضات 

واتاريها مؤامرات ده اليهود معروفين من زمان ان محدش يديهم الامان يقولو عايزين السلام السلام واتاريه كله كلام  

والعرب لسه عايشين في الاوهام  امتي بقي هاتفوقوا ولا انتو عايزين تدوقوا الذل والمهانه  ده الناس بقت زهقانه.

والقدس محتاجلنا وبتنادينا همو نفسكو ويالا بينا ننصر القدس المحتله من اسرائيل المختله

 اللي كسرت القوانين وقلبت الموازين.وانتهكت الحرمات ولا حد فكر ابدا يديها عقوبات لكن شعب فلسطين دايما صامد بالدعوات