الفســــاد

خلاص زهقنا وتعبنا من كتر الفساد اللي محاوطنا من كل حته ومن جميع الجهات.وطهقنا ملينا من الظلم اللي 

بنشوفو هاتقولولي ياعم اسكت هاقلكو تعالو شوفو.اه ده الناس بجد ضمايرها خلاص ماتت والشرف والمبادئ 

عندها خلاص ضاعت ده الامور كلها وضحت والريحه كمان فاحت. ياريت بقي كلو يركز ويسلك ودنو معايا عشان 

اللي هاقولو بجد مش مجرد دعايا.انهارده انا جاي اكلم عن الفساد بكل اشكاله واللي بيحصل في البلد والغش بكل الوانه

 اه هاكلم عن الوزير اللي عندو ملايين وبجد اموت واعرف دول جابهم منين ومفيش علي تعيينه يادوب يوميين ولا 

 اللي عندو اراضي ومستولي عليها وتحت عيون الدوله ولا حد بيكلم فيها وكمان علي اللي واكل فلوس الغلابه من غير

 اي حسيب او حتي رقابه اه قولولي مين بس يحميهم من دول ديابه .واللي بيذل في الناس عشان لقمه العيش ده مفيش

 اي احساس وما يستحقش يعيش ولا اللي بيوكل الناس لحمه ويقولك انا بعمل فيهم خير مقابل مبلغ رمزي وهي لحمه

 حمير بقي ده اسمو كلام ده انا عقلي بجد خلاص هايطير.وشوفنا اللي بيحتكر الحديد عشان يملي فلوس في جيبه

 ومفكرش في اي حد عايز بجد يبني بيته ولا اللي راح يبيع دقيق في اي سوق سوده ده بجد شئ حقير وده حقيقي

 شخص دوده ولاهمو حتي الناس اللي بتموت في الطوابير ولا الدكتور اللي بيغش وبيضحك علي مرضاه وعلطول 

 مقلبهم ومخليهم يقولو الاه والمدرس اللي مكبر دماغو من الحصص المدرسيه ومقضيها في البيوت دروس  خصوصيه

 وكل همو بس انو يلم الماهيه ومفكرش في الطلاب اللي حالتهم مش هيه.ولا الطالب اللي جايب 99% وتلاقي

 مستواه المادي قليل شويه وحال ابوه يصعب عليا  عكس اللي جايب 50% وعايش في نعيم والفلوس مترميه 

 ورايح جاي راكبلي في العربيه وحاله ابوه عاليه ومستويه.بس صدقوني مش هي ده القضيه بس القضيه لو عايز

 يلاقي وظيفه او اي شغلانه هايكون عندو واسطه او حتي معارف واللي ما يعرفش وحالته غلبانه لا يفتح الله ده لازم

 يكون عارف. ولا كمان المحامي اللي بيتلاعب وبيخون وكيله والقاضي اللي كمان بغير ضميره.والامام اللي يقولك 

 قال الله وقال الرسول وهو في الاصل منافق وبيعمل عكس ما بيقول وكمان المطرب اللي بيطلع ويقول كلمتين

 ويبقي خلاص نجم ومشهور عشان معاه قرشين واللي غيرو موهوب ضايع ومش عارف يروح فين. اوف بجد ده 

 الناس خلاص اتقرفت والشباب من اللي بتشوفو خلاص عن جد انحرفت ومن جواهم  عزيمتهم خلاص انكسرت.

 اه كفايه كفايه كلام لان الكلام كبير والفساد اصلا يا ناس ليه وشوش كتير.بس اللي نفسي فيه بجد اننا نقف وقفه

رجاله ونخلي سلبياتنا ماتاثرش فينا صدقوني ده مش استحاله وبجد  في ايدينا نغير حياتنا وده مش بعيد علينا 

الشباب والموضه

الشباب ال ايه بتواكب الموضه وتلاقيهم مع نفسهم وقافلين الاوضه.واقفين بيدلعو قدام الدولاب بالساعه والاتنين بيفكرو يلبسو ايه وياعيني محتارين.

وكمان شويه قدام المرايه يمين وشمال ده ايه الحكايه.حقيقي يا جماعه انا جبت اخري خلاص بيعملو كل ده ليه وعلي اي اساس.

وفي الاخر يقولك. يا مان اصل ده  خروجه ولازم نماشي الموضه.ارد اقول. 

ياريتها موضه بتجيب بفايده ده مش جايبه غير الزايده.نفسي تنزلو في الميادين وتلفوا في الشوارع هاتشوفو شباب كتير شكلها مايع ومستقبلها وفكرها باينله ضايع.

دوروا في كل منطقه وفي اي حته وبصو علي الرصيف وفي اي سكه هاتلاقو الشباب وكمان البنات منهم مختلطين وعمالين يعملو حاجات.

حاجات جديده علينا ولقناها في مجتمعنا ممكن تبوظنا او حتي تضيعنا وتيجي تنصحهم يقولك طب اشمعنا.

دلوقتي تلاقي الشاب.ضاربلك في شعره جيل وراششلك حبه برفان وبعد ده كله يقولك مش عاجبني وتلاقيه قرفان.

وتلاقي شاب فاتح القميص ومدلدلك  البنطلون وشكله في التهييس وماسكلك التليفون.

وشاب ماسكلك سيجاره وعمال يدخن فيها وهو ولا علي باله صحته اللي هاريها.

ويا سيدي علي البنات وعلي جمال مفاتنها بيخلو الشاب يبص في عينها.

ولما  تتمختر وتمشي في الشارع بتخلي الكل وراها يسارع.

ما ده كله من اللبس اللي هي لابساه وده اكيد هو اللي عايزاه.

ضيق وقصير وفوق ركبها والناس بتبص ولا علي بالها.يا عالم فين الرجوله والاحترام ياريت يرجعو  كفايه حرام

ــــــــــــــــــــــــــــــــــــــــــــــــــــــــــ

MoP.01227318679

نفسي اوصفلك

♥ حبيبي ♥

انا نفسي اقولك كلمه اكبر من كلمه بحبك

عشان نفسي اوصف شوقي ليك وقد ايه انا بحسك.

يا عمري يا اغلي ما ليا حياتي وكل ما فيا انا وهبته ليك.

 لانك حبتني وفي قلبك خبتني ومفيش مره هنت عليك.

 انا حاسس اني بحب ملاك او اكتر من كده

 وانا نفسي عمري اقضيه معاك ما تحرمنيش بقي من كل ده 

.ده انا يا حبيبي هاعيشلك حياتي وانا دايب في حبك وهواك

 وهاتفضل علطول في ذكرياتي صدقني انا مستحيل انساك.

 ياريت بقي تفضل جنبي كده وتكون دايما معايا

 وكمان تحن علي قلبي وتحس باللي جوايا والله يا حبيبي ده كل منايا

♥

البنات

Yo

 انهارده جايلكو بحاجه يا شباب انتو بتموتو فيها وكل ما تشوفوها بتتجننو عليها تعرفو هي ايه...

البنات هكلم عنهم بالذات

د البنات انواع واشكال طوال وقصيرين تخان ورفيعين وحشين وجمال.

وتلاقو منهم 

المحترمين ومنهم القالعين ومهما يحصل برده عليهم العين.

 فيه بنات معروفين بخفه دمهم ورقه قلبهم 

وجديه حبهم وتتمني تكون معاك.وفيه بنات خنيقه وحركاتهم دنيئه واخلاقهم كمان بذيئه وبتلعب من وراك.

 وعلي فكره يا شباب فيه طرق كتير عشان تتعرفو علي البنات يعني لو قاعد علي النت افتح 

علطول الشات ولو خارج مع صحابك هاتلاقيهم في الكافيهات ولو موجود في الجامعه قاعدين في 

المدرجات ولو رحت علي الشغل يا سيدي علي الموظفات او حتي عن طريق العدد والموبايلات يعني 

في اي مكان تلاقيهم بالميات. وبحذركو من البنات اللي فاكره انها اميره وهي في الاصل غفيره وفيه 

الممله واللي عندها عله ويجيبو الشلل وفيه بنات جميله خفيفه ومش تقيله وبسمتهم كتير رقيقه 

ويبعدوك عن الملل.عموما يا شباب كل واحد وليه ذوق اللي هايبص لتحت واللي هايبص لفوق

 واللي هايبص لتحت مسيره هايلبس الطوق واللي هايبص لفوق هايتعذب يا ناس بالشوق.وانا عايز اقول حاجه 

اخيره انا البنت بالنسبالي رقه واحترام وحنيه وانثي جميله زي المهلبيه وانا نفسي 

في يوم الاقي 

واحده تعشقني وبتموت فيــــــــــا

 ^_^

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

MoP:: 01227318679

انقذو فلسطين

فينكو من فلسطين يا عرب مش فاكرين المسجد اللي اضرب.ولا ايام صلاح الدين ومعركه حطين اللي هزم فيها الصلبيين.

اصلا من قديم الزمان وفلسطين مش عايشه في امان.والعين عليها من كل عدو ومحتل والناس فيها علطول بتتهان وبتتذل.

ده اليهود ياما استهانو بينا وقالو عنا كلام ودايما بيجرحو فينا واحنا مستحملين الالام.

ياريت بقي نصحصح ونفوق من الاوهام ومن خيبتنا ولازم نهدي ونروق عشان يشوفو هيبتنا.

نفسي ناخد خطوه جريئه عشان نوريهم نفسنا ونمسح كل دمعه بريئه لاي عربي مننا.

وهايجي يوم ونلقنهم دروس كتير في العزه والكرامه وهايعرفو ان العربي قلبه كبير ومليان قوه وصرامه.

ده فلسطين طول عمرها في قلب كل عربي وبيحبها باستمرار وهايحميها في اي وقت بكل عزيمه واصرار.

ولا يهمه في يوم فرض حصار ولا هاتفرق معاه موضوع الجدار لان ربنا وحده هو الستار

عسكر كاذبون

كـــــاذبون

منـــــافقون

خـــــائنون

للثوره يا عسكر 

اصلك دايما نازل وبتكسر

في هممنا كـــــثوار

وياريته يعرف الحمـــار

اننا مابنخافش خلاص من النـــار

ولا كلابه الي عندها سعـــار

عشـــان احنا رجاله احـــرار

فينــــا قـــوه واصـــــرار

اه يا مجــــلس يا جاحد

قتلت اخواتنا بدم بارد

بس احنا زهقنـــا سكوووت

ومش بنخاف الموووووت

عارف لـــيه !!

عشان شوفناه قدام عيونا

وكان قربنا وحاسينه بقلوبنا

وكان بيلاحقنا ف كل مكان

ومش حــــــاسين باي امان

وكنت سايب كلابك عشان تنهش فينا

.... وناسي ان ف اسود ف الميدان 

واخرتها جاي تقول انك حميت الثوره

حقيقي انك مجلس عوره

بس حابب اقولك يا مجلس وصدقني دولتك مش راجعه ابدا تاني

يا مجلس يا فاني

وكمان عشان خاطر الشعب الي كان بيعاني

ثورتنا ثوره سلميه

 بشبابها ورجالتها هتفضل قويه

وثورتنا مكمله لاخر المشوار

ولحد ما نخلي بلدنا بلد التقدم والازدهار

وهنفضل دايما ثوار احرار

ابطال لا نخاف الموت ولا ضرب النار

يا مجلس العار

اه وصحيح تمام وصلت كمان وفهمت ولا لا يا حمار

اميره زمانك

حبيبتي تعرفي انك اميره زمانك

ولا حد عمره هايوصل لمكانك

نفسي تعشقيني واكون شاغل بالك

وتحسي بوجودي جنبك زي خيالك

وتضميني ليكي وتحسسيني بحنانك

نفسي ابص في عيونك واحس بجمالك 

وتقولي ليا كلام من قلبك طالع علي لسانك

كلام اكيد زي الشهد 

وريحته طالعه زي الورد 

ومليان رقه ملهاش حد

انا نفسي اقولك كلام كتير

ان حبي ليكي حب كبير

وقلبي عليكي دايما بيغير

وبكون معاكي من الفرحه بطير

يانور عنيا وحياتي

يا اغلي ما ليا في الدنيادي

انا بحبك اكتر من ذاتي

يوم من ايامي

ده كان يوم حصل ليا ف ضربت ف دماغي اكتبهااا :)

قايم من النوم قايم قرفان حوليا سرير واربع حيطان ودماغي هاتفرقع من صوت الجيران

ضرب وخناق وحاله جنان وصدعوني بصوتهم العالي اعمل ايه ده نصيبي وحالي قلت ليهم

كفايه حرام دماغي فرقعت واعصابي فارت وكمان ولعت ارحموني بقي من كتر 

الزن والله يا جماعه انا كده هاتجن المهم من ده كله رحت قايم وداخل الحمام

 ظبط حالي وكله تمام وبعد ما طلعت حسيت بالجوع وملقتش اكل من اي نوع

 رحت نازل وكنت جعان والجو برد وانا سقعان وفضلت ماشي وانا تعبان وكان كل همي اني 

انا جعان ساعتها عيني وقعت علي عربيه فول وكان صاحبها راجل كوول

 قمت ضارب كام سندويتش بس يا خساره ما حوقتش واي حاجه ما شبعتش

 بعديها افتكرت اروح علي ستوديو التصوير اجيب صوري بعد انتظار مرير

 واخدت نفسي ورجعت علي البيت بعد ما تعبت و اتهديت ودخلت علطول 

اغير هدومي وعملتلي مكرونه اندومي قلت اسهر شويه علي النت بس للاسف كان ملل وزي الزفت

 قمت قافل الجهاز ومعلق صورتي في البرواز ساعتها حسيت  بصداع 

رهيب واجع دماغي رحت واخد حبه برشام ونطيط علي السرير وقلت انام...ههههههههه  بس خلاص

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

ملاكي البرئ

بقالي كتير بفكر فــــيكي

وحتي في نومي بحلم بيكي

واحساسي دايما بيحن اليكي

قلبي مستني يوم لقاكي

ونفسه يشوفك انتي ولا حد سواكي

ده بيعشقك وبيموت في هواكي

وكل حاجه فيا بتتمناكي

والله يا حبيبتي انتي ملاكي

ولو بعدتي عني هايبقي يوم هلاكي

نفسي تضميني لحضنك-وتدفيني بحنانك

وتخليني جوا قلبك-وتحسسيني بكيانك

عايزك تلمسيني واحس بوجودك معايا

وتعرفي حبي ليكي وتحسي باللي جوايا

والله يا حبيبتي  ده كل منايا

قلبي

قلبي بيحلم من زمان

انه يلاقي الحب والحنان

من اجمل وارق انسان

مش انه يتجرح وكمان يتخان

قلبي بيحلم انه يرفرف ويطير

بكل خفه زي العصافير 

وبحياه حلوه كلها خير

نفسي قلبي ما يحسش بوحده ولا بخوف

وان يتقاله كلام حب قد الحروف 

ومشاعر واحاسيس تطلع وتطوف

__ من حوليه__

نفسي قلبي ما ينجرحش

وروحي تعيش ما تتقتلش

ومشاعري واحاسيسي ما تتسرقش

__ مني __

قلبي طول عمره بيحب بجد مش كلمتين صد ورد

قلبي نفسه يحب بجد انسانه رقيقه لابعد حد

انسانه تحبه وتتمناه مش انها تجرحه وكمان تنساه

قلبي محتاج اللي يحبه ويفهمه مش اللي يكرهه ويجرحه

قلبي طول عمره قلب حنون ولا فكر يكدب او يخون

صدقوني انا مش مجنون والحب عمره ما كان يتقدر بمال قارون

ده الجرح دايما في القلب والدمع في العيون

ـــــــــــــــــــــــــــــــــــــــــــــــــــــــــــــــــــــــــــــــــــــــ

MoP..01227318679

حبيبه قلبي

والله يا حبيبتي انا في اشتياق دائم ليكي

والحياه ما عادت تحلي الا بيكـــــــي

وعقلي وبالي علطول بيفكرو فيكي

وقلبي واحساسي  بيغيرو عليكي

ولساني دايما ينطق باسمك

حبيبتي حبيبتي حبيبتي

وحياتي بعديها بتبقي زي الورد

حقيقي حبي ليكي حب بجد

مش كلمتين وخلاص صد ورد

ولا يمكن انساكي او حتي اسيبك صدقيني ده وعد

نفسي اخدك ونبعد بعيد لابعد حد

وحبنا دايما يدوم وما يقفش لينا سد

حبيبتي ياريت تسمعيني انا عارف ان كلامي يادوب علي القد

انا نفسي اسعدك واهنيكي

واخد بالي منك واراعيكي

انتي بالنسبه ليا بقيتي كل حياتي

وهاتفضلي في قلبي وذكرياتي

وهاعيش احبك لحد مماتي