كداب

كــــان بيقول بيحبني واتاريه طلع كداب وده عمره مره ما حسني وحبه ليا كان عذاب

وكل الوقت ده بيوهمني وعمال بيخدع فيا وانا اللي فاكره بيحنلي وعايز يعيش ليا

قلتله خلاص هاتبعد وتنسي كل حاجه حلمنا بيها ببساطه رد وقالي انا محبتكش وده ايام وكنا بنقضيها

ولقيته سابني وراح لبعيد ومحسش بأي ذنب وخلاني في الدنيا وحيد مجروح ومكسور القلب

اه كــــــــــــــــــــداب.ليه خلتني احبك وادوب واعشق قربك خاين ملكش امان

وده لـــــــــيه تجرحني وتجرح قلبي ده عمره مافكر يخبي عليك حاجه من زمان

ابعد بقي عني خلاص مابقتش عايز اشوفك ولو ثواني ولا افتكرلك اي ذكري

واياك تندم وتفكر ترجعلي من تاني عشان يبقي عندك فكره

ده سنين ضيعتها في حبك وعمري كله عشته ليك وحبي ولا مره همك والله خســـــاره فيك

يا حبيبي انا خلاص حرمت وقلبي اتعلم منك وهابتدي حياتي من جديد بس بعيد عنك

محتار يا قلبي

محتار يا قلبي معاه مش عارف اعمل ايه

 بيزعل اروح مصالحه بيتعب اداوي جرحه

 وفي الاخـــــــــــــــر يخــــونــي ليـــــــه.

 مستحمل منه الجراح ده كفايه عمري اللي راح وهو لا حاسس بيا 

وبيبعد وبستناه ومش عارف ايه خلاه ينساني وميفكرش فيــــــا. 

انا خلاص يا ناس هاسيبو انا قلبي مش حبيبو وخلاص هابعد بعيد. 

وهانسي ان انا حبيته وفي قلبي خبيته وهاعيش حياتي من جديد .

 ده انا ياما شوفت منه الويل والعذاب والاه والقسيه وكمان هجر وغياب.

 خليه يا قلبي يضحك مسيره هايجي يوم يدوق فيها العذاب ويقول يا ناس مظلوم

مكسوف

في ليله من الليالي اه عنيا جت في عنيه وانا من ساعتها خلاص يا قلبي حسيت اني هاموت عليه

 جمال وحلاوه ايه يا ناس ده انا ما شفتش بعد كده ومين بس ياناس  يقدر القمر اللي زي ده.

وكان نفسي اقربله واضمه بين ايديا لكن مجاش في بالي انه يحس بيا.

 بس من نظراته عرفت انه عايزني اكلمه وفي نفس الوقت خايف لحسن اكون بوهمه.

وجيت اتقرب منه اه يا سيدي علي والرقه الاحساس بصراحه انا ما شفتهاش من قبليه وملقتهاش في حد ومحستهاش الا فيه.

ولقيته الــ مكسوف ومداري بعيد عني وعيونه مليانه خوف من انه يكلمني.

قلتله خلاص انت حبيبي وكمان حته مني وانا مش عايزك في يوم انك تسبني او حتي تبعد عني.

يا جميل ياللي شاغلني والله انت ملاك وحلمي اني اكون معاك اعشقك وادوب في هواك يا حبيبي صدقني انا مستحيل في يوم انساك :)

انا :)

يـــــــــو في البدايه اسمعو دي الحكايه.احب اقول ان محدش يعرف انا مين ولا حتي بروح فين.يعني

 بالعربي مجهـــــــــول.معقــــــــــــول. طيب عايزين تعرفوني ســــو اسمعوني .انا شاب مصري

 معاصر بالغ يا جماعه ومش قاصر. انا مرت عليا فترات مكنتش عارف اعيش كنت مخنوق حيران ومتوارب

 ورا الشيش وكان كل حد يسألني يقولك مالك يابني اقوله مفيش . لكن جيه عليا الوقت وحاولت اطور من نفسي في شكلي وحياتي وكمان في لبسي. ابتديت

 اشوف حياه جديده واعيش احلام قريبه مش بعيده واتحمل الظروف مهما كانت شديده. وخرجت علي الدنيا وكانت حاجه تانيه وقلت لنفسي مش هضيع من عمري ولا ثانيه وعرفت ناس عندها احساس وعرفت ناس ملهاش اي اساس.

مجرد اشكال اوهام حسسوني انهم ملايكه يا سلام 

بذمتكو بقي ده اسمه كلام. اصلي انا بكره الكدب والنفاق والخيانه والرياء.

وعلي فكره فيه حاجات جوايا شغلاني وعلطول مخلياني ابص لقدام عشان الحياه تحلو وتبقي تمام . واكون عملت شئ ف حياتي واخدت خطوه للامام

انا جوايا افكار وطموحات ومشاعر واحاسيس وكمان رغبات. وانا حابب اعبر

 عن نفسي واقول  واحكي كل اللي في نفسي. انا نفسي اخلص دراسه واتخرج علطول

 وربنا يكرمني والغم يزول اصل عقبال عندكو عايد كزا سنه ومعرفش مين المسئول :).

 وكمان نفسي الاقي شغل ويبقالي مكانه وتقل والحاله تمشي وتكون زي الفل وحابب يكون عندي عربيه نيــــــــو وهي بي ام دابليــــــــو.

 وعايز احب انسانه تكون واقعه فيا وغرقانه :) وعايزها عاديه مش فنانه وتكون هاديه ومش زنانه. p:

تكون انسانه رقيقه بجد وجمالها ملهوش حد ومتسمحش بشئ يخلي علاقتنا تتهد وتكون ياناس شرياني وحباني مش بيعاني والله انا مش اناني واصلي كمان انا وحداني.
 وانا نفسي ادخل مجال الموسيقي وبجد ده حقيقه اصلي بحب المزيكا
عربي وغربي وده جزء من حياتي وبكتب وبألف مش مصدقني ممكن احلف :)

 وبتمني يجي اليوم واعمل مزيكا جديد بفرقه شباب واغانيها تبقي شديده والناس تسمعنا والكل يشجعنا ... يـــــو

وفي النهايه انا مودي وعايزكو تعرفو شئ طول ما انا في الدنيا بعيش احلامي ما بتنتهيش مش هاقول حاجه تاني خلاص كفايه لحد هنا واللي يحب يعرفني ويعرف مين انا يجي ويقرب مني واكيد هايعرف عني :)

ـــــــــــــــــــــــــــــــــــــــــــــــــــــــــــــــــــــــــــــــــــــــــــــ

كنت فاكرك حبيبي

مهما تقول ومهما تعيد الكلام معدش يفيد.وياريت كل واحد فينا يا حبيبي من طريق 

وارجوك تنسي حبنا وكمان ما تعملش برئ احنا مبقناش ننفع بعضنا.

ده ايام وليالي مكنتش عيشهالي امال عايشها لمين ده انت طلعت بتلعب بقلوب الناس وبتخليهم مجروحين.

اه كنت فاكرك حبيبي وانك بتخاف عليا اتاريك بتلعب بقلبي وبتخدعني كل شويه.

وفاكر انك بتحبني وان انا كل حياتك بس الظاهر اني مكنتش في قلبك ولا حتي في ذكرياتك

.طيب كنت تقولي انك مش بتحبني علي الاقل كنت تريحني لكن انت عشت وظلمتني

 وفضلت انك تجرحني.ليه عملت كده يا حبيبي والله حرام ده انا كنت

 عايشلك ايامي وشايلك في قلبي غرام وصدقني كل اللي بينا معدش يرجعه الكلام 

:)

المصريين

من زمان والعين علينا كلنا وده طبعا لاننا دايما واثقين من نفسنا.ده احنا شعب مصر ملوك النصر ولو مش فاهم اكلمك بلغه العصر.

ده لان كل محتل حاول يدخل ارضنا وقفنالوو ايد واحده كلنا وهزمناه وطلعناه من هنا عشان يحرم يحتلنا.

هاتستغربو وهاتقولو ايـــــــــــــه وانا هاقولكو ليــــــه.عشان شعب مصر شعب كفاح من الجندي للفلاح وحارب المحتل بكل سلاح.

معروفين عنا شعب اصيل طول عمره بيدي ومش بخيل.وتاريخنا مليان بالبطولات وقصص مؤثره وتضحيات ورموز انسانيه وشخصيات.

لان المصريين علطول معنوياتهم عاليه وعندهم عزيمه وقوه ومشرفين دايما بلدنا سواء بره او جوه.

ده المصررين اصلا ناس طيبين وقلوبهم مليانه خير ومتوحدين كلنا مسلمين ومسيحين وسواعدهم بتبني الجامع والدير.

وياما يا جماعه حاقدين قالو كلام علينا وحاولو يعملو فتنه لكن خططهم فشلت عشان يحرمو يوقعو بينا.

يا جماعه احنا من اجيال واجيال ومفيش حد هزنا ومن الكبار والعيال معروفين بخفه دمنا ودي حقيقه مش خيال وده كلام لازم يتقال واكيد فهمه مش محال

اناني

سنين عايشها في الدنيا وكتير حلمت بيك 

واستنيتك في كل لحظه ترجع وتضمني ليك

لكن هانت عليك العشره ورحت بعيد وهجرتني

ولا همك دموع عيني ومشيت كده وسبتني

برافو عرفت تخدعني وقلبي جرحته وايه يعني ابعد خلاص بعيد عني

مش انت حبيبي اللي انا عاشرته

انا كنت واهبلك ايامي اشواقي عمري وغرامي ومكنش غيرك في بالي

بس مش انت حبيبي اللي انا عرفته

اناني .. ومافكرتش غير في نفسك جرحت وخنت وعملت اللي في نفسك

دي سنين ضيعتها بايديك وكنت بتوهمني بحبك وهواك

وصدقني انا مش ندمان عليك لاني قلبي كان صادق وياك

انت طلعت قليل القيمه بالنسبالي بعد ما هنت عليك

وبعد ما كنت معلق عليك كل امالي خلاص مبقتش افكر فيك

واياك تفكر وتقرب ليا من تاني وخد قلبك بعيد  وياريت كمان تنساني

بشتاق اليك

انا كل يوم بشتاق اليك يا حبيبي قرب هنا

ده انا يا عمري خلاص هاموت عليك شوف بقالي كام سنه.

سنين بفكر فيك ولا بتغيب ابدا عن بالي 

يا حبيبي قرب بقي الله يخليك واسأل عني وعن حالي .

ده انا بقالي كتير بجري وراك وعمري مابعدت عنك

 ده منايا حبيبي اكون معاك وافضل قريب منك.

 صدقني معاك حاسس بدنيا اول مره احسها والايام معاك يا حبيبي انا مش بعدها

 وما بفكرش في حاجه تانيه وسايب كل حاجه لوقتها.

انا نفسي احطك في عيوني واعيش حياتي بيك وانا عمري ما فكرت اجرحك او حتي العب عليك يا حبيبي انت كل ما ليا وعمري كله ليك